Albert Melyshi ka marrë zyrtarisht detyrën e Kryebashkiakut të Mirditës, ndërsa u betua para Këshillit Bashkiak, në mbledhjen e parë të këtij forumi.
Gjithashtu po me shumicë votash, Këshilli Bashkiak do të drejtohet nga një përfaqësues i opozitës.
Aleksander Picaku është zgjedhur kryetar i Këshillit me 11 vota pro nga 12 këshilltarë që ishin prezent në votim.
Melyshi fitoi zgjedhjet për Bashkinë e Mirditës në 14 maj, ndërsa përballë kishte Ndrec Dedajn që kërkonte një tjetër mandate. Melyshi kërkoi sot bashkëpunimin e të gjitha palëve pa ngjyrime politike për zhvillimin e Mirditës, ndërsa detyra iu dorëzua nga ish-kryebashkiaku Dedaj.
Discussion about this post