Ditën e sotme qeveria po mban Forumin e Menaxhimit të Integruar të Mbetjeve dhe Ekonomisë Qarkulluese. Në këtë forum po shpalosen bilancet e një viti qëkur u shpall mjedisi si një objektiv kryesor për bashkitë.
Ministrja e Turizmit, Mirela Kumbaro deklaroi se sipas saj jemi shumë më pastër nga mbetjet por pranoi se ka ende shumë punë për të arritur standardet e vendosura nga qeveria.
“Jemi shumë më mirë shumë më pastër por nuk jemi aty ku kërkon standardi që ne kemi vendosur.” tha Kumbaro.
Ministrja e Turizmit ka theksuar se që të rritet turizmi, menaxhimi i mbetjeve urbane duhet të jetë prioritet i çdo bashkie.
“Duhet rritur shkalla e menaxhimit të mbetjeve. Sot më shumë se kurrë të nxisësh turizmin duhet të kemi prioritet pastrimin e fshatrave dhe qyteteve. Ja dolëm në këtë vit me forcat e bashkive dhe me mbështetjen e ndërkombëtarëve. Që të mbyllim 15 vend depozitime të paligjshme, që ishin plagë për vendin tonë. Është koha për revolucion. Si një pjesë integrale e jetës sonë. Por vetëm ne mund ta vëmë përpara këtë. Të gjithë bashkë, bashki, biznese dhe shoqërisë, ta organizojmë këtë. Nga 1 tetori do ta intesifikojmë pastrimin e vendit. Do ta bëjmë edhe vitin tjetër. Kjo luftë kërkon bashkëpunim dhe financim dhe menaxhim”, tha ministrja.
Discussion about this post