Një 27-vjeçar shqiptar është arrestuar në aeroportin e Galileit në Itali. 27-vjeçari udhëtoi nga Tirana drejt Italisë rreth orës 13.00. Në lidhje me të ishte lëshuar një urdhër arresti nga Prokuroria Publike pranë Gjykatës së Perugias, majin e kaluar, pas një hetimi përfundimtar për veprën e trafikimit të drogës.
Sapo ai ka zbritur nga avioni, policia ishte në pritje të të riut, pasi kishte marrë informata rreth udhëtimit të tij në Itali.
Të dhënat në lidhje me këtë person, datojnë që në gusht të vitit 2008, kur autoritetet e Skuadrës Fluturuese të Perugias gjetën të riun që posedonte kokainë dhe një shumë të madhe parash.
Kështu 27-vjeçari u arrestua dhe u dërgua në burgun e “Don Boskos”, ku vuajti dënimin prej 2 vjet e 8 muaj burg.
Discussion about this post