Dëshmitar i vrasjes së Iljaz Çalit mbrëmjen e djeshme në autostradën Tiranë-Durrës, personi identifikuar me iniciale T.P., është marrë në pyetje nga hetuesit. Ai ka treguar momentin e krisjes së armës drejt 37- vjeçarit që fillimisht i është dukur si fishekzjarrë.
Dëshmitari i atentatit mafioz, shpjegon se është punonjës sigurie pranë autostradës, në kilometrin tetë dhe se kur ishte në kabinën e rojës dëgjoi krisma.
“Nuk ju dhashë rëndësi mbasi kujtova se ishin fishekzjarre. Por pas dy krismave të para kam dëgjuar edhe një breshëri krismash. Më pas dola nga kabina dhe pashë një makinë që lëvizte me shpejtësi. Makina humbi drejtimin dhe më pas doli nga rruga duke u ndalur pranë trafik-ndarëses. Mora telefonin të njoftoja policinë, por pashë që kishin ardhur. Kishte policë aty. Për shkak të errësirës nuk dallova gjë tjetër,”- tregon punonjësi.
Discussion about this post