“Mendova se më shau”, kështu nis deklarata e Azgan Mërnica, vrasësit të policit. Pas dorëzimit në polici ai ka dëshmuar para grupit hetimor në lidhje me ngjarjen se çfarë ndodhi.
23-vjeçari tregon se në momentin e ngjarjes ka qënë duke levizur më nënën e tij pasagjere në një rrugicë të fshatit Baltëz ku është ndeshur me makinën e policit Nevruz Cenalia.
Sipas autorit, në një moment ka kuptuar dhe ka parë që polici ia ka bërë me dorë dhe kam menduar që e ka sharë dhe ofenduar dhe në këtë moment ka dalë jashtë makinës për t’u sqaruar dhe ka parë që polici ka afruar dorën te arma e shërbimit dhe sipas tij e ka qëlluar duke menduar se do ta vriste efektivi i pari pasi sipas tij ka afruar dorën te arma e shërbimit.
“Unë isha duke ikur me makinë nga qyteti në fsha, kisha marrë makinën e dajës dhe nënën do e çoja tek daja. Isha duke ecur shpejt dhe shkëmbehem me policin që shkonte nga fshati në qytet dhe për pak sa nuk u përplasa me të. Ai më bëri me shenjë ndalo. Unë zbrita nga makina. Zbriti dhe ai nga makina. Aty kemi bërë llafe. Ai më tha ku shkon ti me këtë shpejtësi more, dhe më ofendoi. Kur ai bëri me dorë unë kujtova se më shau dhe u nxeha. Momenti që u kthye për të hipur në makinë, unë nxora pistoletën nga çanta dhe e qëllova te koka mbrapa. Shkova te daja dhe e lash makinën atje. Pastaj kam ecur në këmbë nëpër fusha e disa kanale. Në kanale lëviza e qëndrova për 48 orë. Momentin që po më hajhej bukë se kisha dy ditë pa bukë, shkova ke shtëpia e dajës. Këta ndërkohë kishin njoftuar policinë se kishin hall se mos më vriste RENEA. Aty erdhi policia dhe më mori, një polic, shefi krimeve të Fierit dhe më çoi në drejtori”, mësohet të ketë thënë Mërnica.
Ngjarja
28-vjeçari Novruz Cenalia u vra me një plumb në kokë më 13 maj 2024 në fshatin Baltëz të Fierit. Ai ishte nisur për të shkuar në punë, por u përfshi në një debat me Azgan Mërnicën, 23 vjeç, për radhën e kalimit me makinë. Në këtë moment, 23-vjeçari nxori pistoletën që e mbante me vete dhe me një tek plumb në kokë la të vdekur në vend punonjësin e Policisë së Shtetit. Më pas ai u largua nga vendi i ngjarjes.
Dorëzimi
Vetëdorëzimi i tij është kryer mbrëmjen e sotme (15 maj) në fshatin Dërmenas, pas negociatave të babait dhe dajës së tij, të cilët i kanë kërkuar që të dorëzohet pasi në rrethimin që forcat RENEA e FNSH-se kishte bërë ishte i pamundur largimi.
Kanë qenë familjarët që e kanë dorëzuar me makinë civile, pasi kanë negociuar me të e kanë marrë me makinë për ta dorëzuar. Në video 23 vjeçari duket i qetë teksa hyn në makinë madje ka qenë i qeshur dhe aspak i pikëlluar.
Lexo edhe:
VIDEO/ “Rrugë të mbarë” dhe “Zoti para”, si u përcoll nga familjarët vrasësi i policit në Fier
Discussion about this post