Sulmet ajrore izraelite shënjestruan një lagje banimi në kryeqytetin sirian të Damaskut herët të dielën, duke vrarë të paktën 5 persona dhe duke plagosur 15 të tjerë.
Mediat e huaja raportojnë se shpërthime të forta u dëgjuan mbi një zonë qendrore të kryeqytetit rreth orës 12:30 të mëngjesit me kohën lokale dhe mbrojtja ajrore siriane po përballej me objektiva armiqësorë në qiellin rreth Damaskut.
Agjencia shteterore
Agjencia shtetërore siriane e mediave SANA, duke cituar një burim ushtarak, raportoi se pesë persona ishin vrarë, mes tyre një ushtar dhe 15 civilë të plagosur, ndërsa disa ndëretsa banimi u shkatërruan. Sulmet kishin dëmtuar ndërtesa të lidhura me një kështjellë mesjetare në Damaskun qendror dhe një institut të arteve.
Observatori Sirian për të Drejtat e Njeriut
Observatori Sirian për të Drejtat e Njeriut, një monitorues i luftës me bazë në Mbretërinë e Bashkuar, raportoi se 15 persona, përfshirë një grua, u vranë në sulmet që synonin vende të lidhura me milicitë iraniane dhe grupin militant libanez Hezbollah. Samer Abdo, një inxhinier që jetonte në një ndërtesë apartamentesh që u godit në Kafr Sousa në një rrugë banimi të pasur, po gërmonte xhamin e thyer dhe drutë e thyer në banesën e tij të dielën në mëngjes.
Familja e tij
Familja e tij ishte zgjuar e tmerruar nga dridhja e ndërtesës. “Në fillim menduam se ishte një tërmet si ai që ndodhi dy javë më parë,” tha ai.
“Të gjitha dritaret ranë në rrugë dhe njerëzit gjithashtu vrapuan në rrugë. Është një zonë banimi. Nuk ka asgjë (ushtarake) këtu,”tha një tjetër banor.
Nuk kishte asnjë deklaratë të menjëhershme nga Izraeli për sulmin. Një zëdhënës i ushtrisë izraelite nuk pranoi të komentojë. Një zyrtar i një grupi të mbështetur nga Irani mohoi raportet e mediave se sulmi në Kafr Sousa kishte në shënjestër zyrtarë iranianë ose palestinezë. Sulmi goditi një garazh parkimi nën një ndërtesë dhe vrau 10 civilë dhe trupa, të gjithë sirianë, tha ai. Ai mohoi që të ketë pasur iranianë apo anëtarë të Hezbollahut të vrarë. Zyrtari foli në kushte anonimiteti sepse nuk ishte i autorizuar të fliste për media. Sulmet ajrore izraelite shpesh synojnë vende në afërsi të Damaskut, por është e rrallë që ata të synojnë zonat e banuara në qytet. Sulmet e së shtunës mbrëma ishin të parat që nga një tërmet shkatërrues me magnitudë 7.8 ballë që goditi Turqinë dhe Sirinë më 6 shkurt.
Discussion about this post