Sipas mediave italiane, gjithçka ka filluar nga një zënkë mes dy personave, e cila u përshkallëzua deri në nxjerrjen e mjeteve prerëse e më pas plagosjen e njërit prej tyre.
Ngjarja ka ndodhur një ditë më parë në Villanova di Colli al Metauro në Itali, mes dy personave, njëri prej tyre shqiptar.
Sipas mediave, shqiptari rreth 25 vjeç ka goditur dy herë me thikë një maroken në gjoks dhe në bark. I plagosuri iu nënshtrua një operacioni për plagët e marra – një goditje i shpoi mushkëritë – dhe më pas u transferua në repartin e terapisë intensive, ku ndodhet ende tani, pa rrezik për jetën.
Protagonistët e këtij episodi dramatik, njëri me banim në Colli al Metauro dhe i dyti në Terre Roveresche.
Përpos dëshmive, vendimtare janë pamjet e kamerave të lokalit (ku të dy kanë hyrë para zënkës për të blerë pije energjike Red Bull).
Thirrjet e viktimës tronditën personat që ishin në zonë, e sidomos të banakieres që ishte në lokalin ngjitur. Kjo e fundit, nxitoi te dera dhe shikoi një person duke bërtitur e duke tërhequr këmishën e gjakosur.
Pas ngjarjes, shqiptari u largua menjeherë, por karabinierët arritën ta lokalizojnë dhe ta ndalojnë.
Mes pamjeve me video që duket se kanë qenë vendimtare për gjurmimin e vrasësit me thikë, do të ishte ajo e dëshmisë së banakieres që mundi të memorizonte targën e ‘Volkswagen’ të autorit.
Discussion about this post