Autoritetet në Malin e Zi kanë nisur hetimet pas lajmit se makinës Mercedes të kryeministrit Dritan Abazoviç nuk i kanë punuar frenat.
Ministria e Brendshme tha se kanë nisur hetimet, pasi frenat e makinës ku po udhëtonte Abazoviç u prishën në mënyrë të papritur.
Sipas informacioneve paraprake, sistemi i frenimit në makinwn zyrtare ndaloi së punuari plotësisht teksa Abazoviç ishte në Obzoviçë, rreth 50 metra përpara një disheze të madhe. Abazoviç po kthehej nga një vizitë në Tivat.
Sipas informacioneve jozyrtare, makina nuk ka dhënë asnjë lajmërim në bord.
Pasi mjeti ndaloi në zhavorrin në anë të rrugës, Abazoviç u zhvendos në një veturë tjetër zyrtare, një Audi.
Gazeta Vijesti në Mal të Zi shkruan se nga hetimet paraprake, rezulton se bëhet fjalë për një avari për shkak të vjetërsisë dhe kilometrazhit të konsiderueshëm që ka kaluar automjeti.
Megjithatë hetimi për këtë ngjarje vijon.
Discussion about this post