Lufta mes Rusisë dhe Ukrainës nuk ka të ndalur, duke lënë pas viktima të shumta nga ana e të dyjave ushtrive. Së fundmi një nga udhëheqësit e Vladimir Putinit i ka sugjeruar Rusisë të kërcënojë me armë bërthamore kundër perëndimit nëse mercenarë të huaj përfshihen në konfliktin e Ukrainës.
Ramzan Kadyrov kreu i rajonit autonom rus të Çeçenisë trupat elitare të të cilit kanë luftuar në përplasjet brutale në Kiev e Mariupol raportohet se është lejuar të udhëheqë rajonin si “perandorinë e tij personale” në këmbim të besnikërisë ndaj presidentit rus, shkruan britanikja Metro.co.uk.
Në një video të re nga pallati i tij në Çeçceni, Kadyrov thotë për kameran: “Çfarë do të bëja unë? Unë do të spastroja menjëherë Luhansk e Donetsk, dhe prej aty do të vazhdoja më tej. Po të isha unë do të deklaroja, nëse mercenarë të huaj vijnë në Ukrainë do të godasim me armë taktike bërthamore. Kështu që ata të mos tallen me ne. NATO, Perëndimi janë në luftë me ne, kjo nuk është një shaka”.
Kadirov insistonte se Rusia do të marrë kryeqytetin Kiev edhe pse tashmë ofensiva është fokusuar në rajonin lindor të Donbas.
Ai shtoi: “Detyrat janë të qarta, do të ketë ofensivë jo vetëm në Mariupol porr dhe në qytete të tjera për të çliruar Luhansk e Donetsk më së pari.
Discussion about this post