Këngëtarja Einxhel Shkira ka pësuar një incident të rëndë mbrëmjen e djeshme në shtëpinë e “Big Brother VIP”. Ajo ka thyer krahun teksa ka qenë duke luajtur gjatë një loje të improvizuar në shtëpi.
Për pasojë, konkurentja u nis menjëherë drejt spitalit ku edhe po merr një trajtim më të specializuar.
Nga ana tjetër “Vëllai i Madh” i ka njoftuar banorët se doktorët kanë vendosur që Einxhel të bëjë një ndërhyrje kirurgjikale.
Pas ndërhyrjes ajo duhet të qëndrojë në spital për aq kohë që mjekët të vendosin.
Ajo do të jetë e shoqëruar nga kamerat dhe nga asistentët e produksionit.
Kjo u është komunikuar banorëve përmes një zarfi.
Discussion about this post