Ardian Ismajli do të jetë një futbollist i lirë duke nisur nga 1 Korriku. Për mbrojtësin e Kombëtares Shqiptare, ka një interesim të madh nga tre klube të Serie A, të cilët e shikojnë si një investim me mjaft potencial.
Juventusi, Interi dhe Napoli prej muajsh kanë shfaqur interes për lojtarin kuqezi.
Tek Empoli, vështirë që 28-vjeçari të qëndorjë, pasi ekipi sezonin e ardhshëm do të luajë në Serie B.
Në kampionatin që sapo u mbyll, Ismajli bëri një paraqitje mjaft të mirë.
Në shumicën e takimeve, ai luajti titullar dhe paraqitjet e tij ishin mjaft të mira.
Mungesa e tij u ndje sidomos në fund të kampionatit, kur skuadra toskane pati ecuri të dobët.
Nga transferimi në verën e 2021, futbollisti numëron 100 ndeshje të luajtura.
Tani mbrojtësi i Kombëtares është gati që të bëjë hapin e madh në karrierë.
Negociatat me përfaqësusesit e tij kanë nisur dhe mbetet për t’u përcaktuar vetëm destinacioni, me shqiptarin që do të duhet të bëjë një zgjedhje të vështirë për të ardhmen.
Discussion about this post