Merkato/ Jo vetëm Napoli, një tjetër klubi italian ndjek Zhegrovën

Edon Zhegrova pritet të ndryshojë skuadër në merkaton e verës, duke u larguar nga Lille, aty ku ka pasur shkëlqimin e tij si lojtar.

E ardhmja e sulmuesit të Kosovës, duket gjithnjë dhe më shumë drejt Italisë. Pas Napolit, një tjetër klub i Serisë A është futur në garë për shërbimet e Zhegrovës.

Bëhet fjalë për Atalantën, klub që po ndjek me interes anësorin “dardan”, sipas “Corriere di Bergamo”.

Sezoni i fundit i 26-vjeçarit u shoqërua nga dëmtime të shumta, të cilat ngadalësuan ecurinë pozitive që ai kishte.

Megjithatë në 21 ndeshje të luajtura me Lille-n, Zhegrova ia doli të shënojë tetë gola dhe regjistroi dy asiste.