Trent Alexander-Arnold pritet të largohet këtë verë nga Liverpooli, pasi mbrojtësi dhe klubi ende nuk e kanë gjetur një marrëveshje për rinovimin e kontratës që skadon në qershor. Njëjtë si van Dijk apo Salah, klubi i kuq duket se nuk i ka bindur lojtarët kryesor për të zgjatur ‘bashkëjetesën’.
Për Arnold interes prej kohësh ka shfaqur Real Madrid dhe mbrojtësi nuk mund t’i thotë ‘jo’ një mundësie që të vjen një herë në jetë. Tanimë te Liverpool e dinë situatën dhe po kërkojnë për një zëvendësues.
‘Sky Sport’ në Gjermani ka raportuar se anësori holandez i Bayer Leverkusen, Jeremie Frimpong është objektivi kryesor i Liverpool për krahun e djathtë të mbrojtjes. Liverpooli e ka ndjekur prej kohësh holandezin dhe në verë pritet të bëjnë hapa konkret për transferimin e tij.
Discussion about this post