Milani duket se është dashuruar me shqiptarët dhe këtë po e tregojnë lëvizjet që skuadra po planifikon të bëjë, ku fillimisht emëroi si drejtor sportive Igli Taren, më pas i bëri një ofertë Granit Xhakës, e pas tij Ardon Jasharit.
Ky i fundit cilësohet si një lojtar i padiskutueshëm për kapin kuqezi, të cilët dëshirojnë ta afrojnë sa më shpejt, madje kanë dërguar dhe ofertën e parë në drejtim të Club Brugge.
Sipas asaj që raportojnë në Itali, 27 milionë euro ka qenë oferta zyrtare në drejtim të blegëve dhe 3 të tjera do të jenë në formë bonusesh, duke kompletuar në total lëvizjen me 30 milionë euro.
Pak a shumë kjo ishte shuma e cila Milani ka ndërmend të shpenzojë për kartonin e futbollistit, por me gjasa nuk do ta bindë dot Bruggen. Kjo në një situatë ku për Jasharin ka interes dhe nga ekipe të tjera evropiane e transferimi i tij nuk do të ishte problem, sidomos për Anglinë.
Trajneri Alegri ka komunikuar me drejtorin Tare dhe drejtues të tjerë duke u bërë të qartë se e dëshiron futbollistin në ekip në prag të sezonit të ri futbollistik, por gjithcka i takon Brugge që të vendosë.
Jashari cilësohet si një nga futbollistët që do të marrë në dorë frerët e mesfushës te kombëtarja helvete. Në anën tjetër punë vijon dhe me Leverkusen për Xhakën, ndërsa pista Broja duket se nuk ka qenë aspak serioze.
Discussion about this post