Merakto e verës është hapësira ku kryen lëvizjet më të shumta të futbollistëve. Në këtë vorbull janë përfshirë edhe disa lojtarë të Kombëtares.
Ernest Muçi nuk dëshiron më të jetë pjesë e Besiktas sipas mediave turke ku Spanja, Italia apo edhe Gjermania mund të jenë destinacionet e mundshme. I afruar në shkurtin e vitit të kaluar për 10 milionë euro është nën kontratë deri në 30 qershor të 2027.
Gjatë kësaj kohe shqiptari ka shënuar 11 gola në 55 ndeshje. Edhe sulmuesi tjetër i krahut Arbër Hoxha mund të largohet nga Dinamo Zagreb edhe pse ka 2 vite të tjerë kontratë.
Sipas mediave kroate interesimi më i madh është nga Turqia, ku përmenden Kayserispor, Trabzonspor dhe Eyupspor. Mbrojtësi Enea Mihaj pas përvojës në Portugali te Famalicao do të luajë në Turqi te Samsunspor.
Këtë e kanë konfirmuar drejtues të klubit pjesë e të cilit është edhe shqiptari tjetër Arbnor Muja.
Discussion about this post