Tek skuadra e Real Madridit prej kohësh kanë filluar të bëhen llogaritë për të ardhmen.
Merkatoja e janarit konsiderohet një periudhë shumë e rëndësishme në funksion të vijimësisë dhe strategu Carlo Ancelotti ka arritur ti vërë pikat mbi i në lidhje me organikën.
Mariano Diaz , Hazard dhe Ceballos besohet se do të jenë ato lojtarë që do ti japin lamtumirën ‘’ Santiago Bernabeut ” , largimet e të cilëve do të shfrytëzohen për tu fuqizuar për pjesën më vendimtare të sezonit.
Sigurisht potenciali i ‘’ Galaktikëve ‘’ nuk vihet në diskutim , objektivi i të cilëve është vijimi në të njëjtën linjë pasi kryefjala e këtij klubi është vetëm suksesi. Aktualisht kryeqytetasit disponojnë 425 milionë euro për ti shpenzuar në merkato, shifër e cila pritet të shenojë rritje.
Duke njohur mentalitetin e manjatit Florentino Perez sigurisht kuptohet se nuk do të dorëzohet asnjëherë deri në arritjen e çdo objektivi , ashtu siç e ka bërë ndër vite duke e shëndërruar Real Madridin në një ndër klubet më të suksesshëm të historisë së futbollit.
Discussion about this post