Paulo Dybala mund të largohet nga Roma në këtë merkato vere. Fantazisti argjentinas, ka marrë një ofertë të majme nga Arabia Saudite, me kontratë dy vjeçare, nga e cila do të përfitonte 20 milionë euro në sezon.
Shifra e çmendur, ka bërë që lojtari të reflektojë dhe po mendon largimin nga verdhekuqtë. Në këtë situatë, te Roma nuk duan të jenë të papërgatitur.
Drejtuesit kanë nisur nga puna dhe kanë zgjedhur një shqiptar si zëvendësues. Edon Zhegrova, është në listën e italianëve për krahun e djathtë të sulmit.
Në ditët e ardhshme pritet që Roma të nisë bisedimet me Lille-n, për të kuptuar nëse mund ta afrojë sulmuesin e Kosovës.
Discussion about this post