Një nga detyrat më të mëdha që ka Paris Saint Germain këtë verë është të gjejë një zëvendësues për Kylian Mbappe .
Gjatë këtyre javëve të fundit, lojtarë si Luis Díaz , Osimhen dhe Kvaratskhelia janë lidhur me klubin parisien dhe lista duket se nuk ka fund. Sipas portalit të transferimeve Calciomercato , tashmë listës i është bashkuar edhe Marcus Thuram .
Lojtari i Interit po kalon një sezon të mrekullueshëm nën drejtimin e Inzaghit, me 12 gola dhe po aq asistime në 40 ndeshje të luajtura. Sipas këtyre informacioneve, nëse futbollisti largohej, klubi ‘neroazzurro’ nuk do të pranonte më pak se 80 milionë euro.
Në Paris nuk e kanë problem nga ana financiare një transferimin të tillë, por për momentin po studiojnë me kujdes se kush të mbulojë largimin e një prej lojtarëve më të mirë në botë.
Discussion about this post