Edon Zhegrova në modë. Mediat italiane raportojnë se Napoli mbetet e vendosur për të siguruar shërbimet e Zhegrovës, duke e konsideruar atë si një përforcim të rëndësishëm për sulmin.
Napoli kishte bërë përpjekje për ta transferuar 25-vjeçarin edhe gjatë afatit kalimtar të janarit, por Lilë nuk pranoi të lejojë largimin e yllit të Kosovës, duke e mbajtur në skuadër deri në fund të sezonit.
Sipas raportimeve të fundit, vetë Zhegrova është i prirur për një ndryshim ambienti dhe synon të largohet nga Lilë gjatë afatit të verës.
Aktualisht, ai po përballet me një lëndim dhe pritet të rikthehet në fushë në mes të muajit mars. Zhegrova ka një kontratë me klubin francez që skadon në verën e vitit 2025.
Discussion about this post