Pak para se të heq dorë nga politika, Kancelarja gjermane Angela Merkel do të bëjë vizitën e lamtumirës në Francë javën e ardhshme. Mediat europiane shkruajnë se në takimin me Presidentin francez Emmanuel Macron do të diskutohet situata e Afganistanit si dhe çështje të tjera të rëndësishme. Takimi është planifikuar të mbahet në 16 shtator.
“Të enjten, 16 shtator, kancelarja Angela Merkel do të takohet me presidentin francez Emanuel Macron për një darkë pune në Paris. Bisedimet do të përqendrohen në çështjet akute ndërkombëtare, kryesisht Afganistanin, si dhe çështjet e politikave evropiane,” thuhet në njoftimin e Kancelares gjermane.
Merkel më 14 shtator do të vizitojë Tiranën, ku dhe do të takohet me 6 krerët e vendeve të Ballkanit Perëndimor.
