Kancelarja gjermane Angela Merkel, i ka këkruar presidentit rus Vladimir Putin të ndërhyjë për krizën e emigrantëve në kufirin Poloni-Bjellorusi. Përmes një prononcimi për mediet, Merkel kërkoi që emigrantët të kthehen sa më shpejt të jetë e mundur në vendin e tyre.
“Ne kemi një interes që njerëzit në Bjellorusi të kujdesen në mënyrë humane. Ne kemi diskutuar gjithashtu situatën humanitare në anën polake të kufirit”, tha Merkel. Nga ana tjetër, kryeministrin polak Mateusz Morawieck bëri thirrje për më shumë sanksione ndaj Bjellorusisë nga Bashkimi Evropian, nëse kriza kufitare polako-bjellorus përshkallëzohet më tej. Morawiecki i tha Merkel se ata duhet planifikojnë sanksione të mëtejshme, duke përfshirë tregtinë.
BE nga ana tjetër ka akuzuar liderin bjellorus Alexander Lukashenko se ka krijuar qëllimisht situatën, duke larguar njerëzit nga rajonet e krizës në Minsk dhe më pas i transporton ata në kufirin e BE-së.
Discussion about this post