Kancelarja gjermane Angela Merkel do të bëjë një vizitë zyrtare në SHBA. CNN shkruan se lajmin e ka bërë të ditur Shtëpia e Bardhë, më anë të njoftimi. Merkel pritet të shkojë në SHBA në 15 korrik.
Kjo do të jetë vizita e saj e parë në Uashington gjatë presidencës së Biden dhe ka të ngjarë vizita e saj e fundit në SHBA në një kohë të gjatë si kancelare. Kjo pasi Merkel nuk po kërkon një mandat të pestë dhe do të largohet nga detyra.
“Vizita e kancelares Merkel do të afirmojë lidhjet e thella bilaterale midis Shteteve të Bashkuara dhe Gjermanisë. Udhëheqësit do të diskutojnë angazhimin e tyre për bashkëpunim të ngushtë mbi një sërë sfidash të përbashkëta, duke përfshirë përfundimin e pandemisë COVID-19, adresimin e kërcënimit të ndryshimit të klimës dhe promovimin e prosperitetit ekonomik dhe sigurisë ndërkombëtare bazuar në vlerat tona të përbashkëta demokratike,” thuhet në njoftim.
