Juventus ia ka dalë që të fitojë me një diferencë të vogël ndaj skuadrës së Sampdorias. Bardhezinjtë e Italisë triumfuan me rezultatin 3-2, teksa u duk se ‘Zonja e Vjetër’ vuajti shumë përballë kundërshtarëve.
Pjesa e parë e ndeshjes u mbyll me rezultatin 2-1, teksa në minutën e 10-ë të lojës Dybala mundi që të kalonte ‘Zonjën e Vjetër’ në avantazh falë një asisti të marrë nga Locatelli.
Takimi vazhdoi me këtë rezultat deri afër fundit të kësaj pjese, kur në minutën 43-ë Bonuçi shënoi golin e dytë për Juventus me anë të një penalltie.
Megjithatë kundërpërgjigja e Sampdorias ishte shumë e shpejtë, e cila me anë të Yoshidas shënoi te porta e Juves vetëm një minutë më pas.
Ndërsa më pas në fraksionin e dytë të takimit u realizuan edhe dy gola të tjerë, Juventus shënoi sërish i pari me Locatellin në minutën e 57-ë, ndërsa në minutën e 83-ë Sampdoria shënoi golin e dytë të saj më anë të Canrevas.
Ndeshja u mbyll me rezultatin 3-2 dhe Juventus u ngjit në vend të 9-ë me 8 pikë, teksa Sampdoria ndodhet në vendin e 15-ë me vetëm 5 pikë./K.T/Gijotina.com
