Një tjetër banesë është përfshirë nga flakët këtë mbrëmje në Gjirokastër.
Burime për gijotina.com bëjnë me dije se zjarri ka rënë në një banesë njëkatëshe në lagjen “Kodra e Shtufit” në Gjirokastër pak minuta më parë. Paraprakisht dyshohet se shkak është bërë soba me dru, ku shkëndijat prej saj kanë bërë që të marrë flakë fillimisht salloni duke krijuar panik tek 3 anëtarët e familjes Fejzo që ndodheshin në banesë.
Të njëjtat burime gjithashtu bëjnë me dije se shtëpia është në pronësi të Eqrem Fejzos.
Në vendngjarje kanë shkuar 6 punonjës të PMNZSH me kreun e kësaj drejtorie Pëllumb Shalari, të cilët kanë neutralizuar flakët që janë shfaqur agresive duke parandaluar një tragjedi të mundshme .
Gjithashtu forcat e policisë ndodhen në vendngjarje. Rikujtojmë se pak ditë më parë një zjarr i rënë në një banesë dykatëshe shkaktoi një viktimë në fshatin Dervician të Dropulli, shkak për të cilin u bë një qiri.
Discussion about this post