Qyteti i Vlorës është zgjuar me në lajm të tmerrshëm ditën e sotme, pasi një ngjarje e rëndë ka ndodhur në orët e para të mëngjesit. Mësohet se një 55-vjeçar ka ndërruar jetë pasi është shkrumbuar nga flakët që përfshinë banesën e tij. Sipas të dhënave, ngjarja tragjike ka ndodhur në orën 06:20 në lagjen “Pavarësia” në Vlorë.
Ende nuk dihen shkaqet që çuan në ndezjen e zjarrit, por sipas të dhënave paraprake dyshohet se viktima i cili jetonte i vetëm vuante nga shëndeti mendor. Gjithsesi, grupi hetimor ndodhet në vendngjarje dhe po punon për zbardhjen dhe përcaktimin e shkakut të zjarrit.
Discussion about this post