Merr flakë dyqani në Përmet, ja çfarë ka ndodhur

Një dyqan ka marrë flakë këtë mbrëmje në qytetin e Përmetit. Dyqani në momentin e përfshirjes nga zjarri ka qenë i mbyllur.

Policia njofton se nga zjarrvënia e dyqanit ka vetëm dëme materiale e jo njerëz të lënduar. Po ashtu, bëhet me dije se zjarri mund të jetë shkaktuar nga shkëndijë elektrike.

“Rreth orës 20:00, në lagjen “Naim Frashri”, Përmet, ka marrë flakë biznesi (dyqan) me konfeksione, në pronësi të shtetasit A. J., banues në Përmet. Dyqani në momentin e përfshirjes nga flakët ka qenë i mbyllur.

Për pasojë ka vetëm dëme materiale. Nuk ka njerëz të dëmtuar.

Nga veprimet e para hetimore dyshohet se zjarri është shkaktuar nga një shkëndijë elektrike.

Në vendngjarje ndodhen shërbimet zjarrfikëse dhe grupi hetimor, po punohet për sqarimin e rrethanave të ngjarjes”, njofton policia.