Një makinë është përfshirë nga flakët pasditen e sotme në Tiranë. Policia bën me dije se ngjarja ka ndodhur në afërsi të nënkalimit të Selitës. Makina ka marrë flakë në lëvizje e sipër dhe është djegur plotësisht.
Shoferi i mjetit është identifikuar me iniciale D. S., i cili ka shpëtuar pa lëndime. D.S., ka dalë nga makina në momentin që ka vënë re problemin defekt, pas pak minutash mjeti është përfshirë nga flakët.
Ashtu siç bën me dije edhe policia, paraprakisht dyshohet se zjarri ka rënë si pasojë e një defekti në mjet. Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.
Discussion about this post