Një makinë është përfshirë nga flakët mëngjesin e sotëm në Unazën e Re në Tiranë ku fatmirësisht nuk raportohet për të lënduar. Mësohet se, zjarri ka rënë në makinën në pronësi të personit me iniciale E. B.
Sipas policisë ngjarja ka ndodhur për shkak të një defekti në mjet, ndërsa grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.
“Me datë 15.03.2022, në Unazë të Re, në rrugën “Teodor Keko”, ka marrë flakë dhe është djegur plotësisht, mjeti i parkuar në pronësi të shtetasit E. B. Paraprakisht dyshohet se zjarri ka rënë si pasojë e një defekti në mjet. Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit”, njofton policia.
Discussion about this post