Merr flakë në ecje kamioni, dyshimet e para

Një kamion është përfshirë nga flakët pasditen e sotme.

Ngjarja ka ndodhur në aksin Elbasan-Tiranë, ndërsa dyshohet se shkak për zjarrin ka qenë një defekt teknik.

Si pasojë e flakëve është djegur pjesa e përparme e mjetit, ndërkohë që nuk raportohen dëme në njerëz. Si pasojë e zjarrit ka pasur një bllokim të qarkullimit përmes tunelit, duke shkaktuar rradhë të gjatë automjetesh.

Elbasan/ Informacion paraprak

Rreth orës 19:30, në tunelin e autostradës Elbasan-Tiranë, ka marrë flakë në ecje e sipër, automjeti tip ‘Kamion’, me drejtues shtetasin V. M.

Nga flakët janë shkaktuar vetëm dëme materiale.

Paraprakisht dyshohet se zjarri ka rënë për shkak të një defekti në automjet.

Grupi hetimor po punon për sqarimin e plotë të rrethanave të ngjarjes.