Merr flakë në lëvizje makina në Fier-Lushnje, shpëtojnë shoferi dhe pasagjeri

Një automjet tip “Land Rover” është përfshirë nga flakët në lëvizje mëngjesin e kësaj të diele në aksin Fier-Lushnje.

Ngjarja ka ndodhur në vendin e quajtur “Vajkan”. Fatmirësisht shoferi dhe pasagjeri kanë mundur të dalin në kohë nga makina, e cila është shkrumbuar pothuajse totalisht.

Në vendngjarje kanë shkuar menjëherë shërbimet zjarrfikëse, të cilat kanë ndërhyrë për shuarjen e flakëve. E pranishme është edhe policia me grupin hetimor për të zbardhur shkaqet e rënies së zjarrit.

Paraprakisht, shkak dyshohet të jetë bërë një defekt në motor.