Një automjet tip “Benz Mercedes”, është shkrumbuar pasditen e sotme në afërsi të Mamurrasit. Sipas informacioneve, ka qenë në lëvizje kur janë shkaktuar flakët, më pas drejtuesi ka dalë me shpejtësi prej tij. Fatmirësisht nuk pati persona të lënduar, por makina luksoze u dogj e gjitha.
Shkaku kryesor i flakëve dyshohet një defekt elektrik në motor, i cili më pas u përhap në të gjithë pjesën e përparme të mjetit. Pavarësisht ndërhyrjes së forcave zjarrfikëse, nuk mund të bëhej asgjë pasi flakët kishin përparuar duke e shkrumbuar mjetin totalisht.
Për shkak të kësaj ngjarje, automjetet të cilat ndodheshin në autostradën Thumanë-Milot ndaluan së qarkulluari, me frikën e ndonjë shpërthimi të mundshëm.
