Kanë ndërruar jetë dy të miturit, banesa e të cilëve u përfshi nga zjarri në Gjakovë mëngjesin e sotëm Lajmin e ka konfirmuar një zëdhënës i policisë së Kosovës, i cili tha për mediat se dy viktimat kishin mbetur të ngujuar në muret e shtëpisë.
Të miturit janë djem të moshës 10-13 vjeç. Gjithashtu lëndime trupore kanë pësuar edhe tre familjarë të tjerë, ku në gjendje më të rëndë shëndetësore është prindi i njërit prej fëmijëve të vdekur.
Fëmijët ndodheshin brenda në momentin kur shtëpia dykatëshe u përfshi nga flakët, ndërsa sipas policisë, trupat e tyre u dogjën.
Ende nuk bëhet i ditur shkaku i zjarrit që la dy të vdekur e tre të plagosur, ndërsa policia po punon ende për zbardhjen e rrethanave të ngjarjes.
