Një linjë trageti Greqi-Itali është përfshirë nga flakët orët e para të mëngjesit të sotëm. Burime bëjnë me dije se, trageti kishte në total 242 pasagjerë, përfshirë edhe anëtarët e ekuipazhit të cilët mundën të largohen në kohë.
Alarmi në anije u dha në orën 04:30, duke bërë që të niste menjëherë procesi i evakuimit. Të gjithë pasagjerët e tragetit ‘Grimaldi Euroferry Olympia’ u larguan nga anija me varka shpëtimi dhe u morën nga varkat lundruese. Një prej pjestarëve të ekuipazhit kishte probleme me frymëmarrjen, duke bërë që të transportohej në ishull dhe të merrej menjëherë nga forcat mjekësore. Për fat të mirë moti ishte në favorin e tyre dhe operacioni i shpëtimit shkoi pa probleme. Pasagjerët tashmë janë transportuar drejt Korfuzit.
Kapiteni i anijes bëri me dije se të gjithë pasagjerët janë në gjendje të mirë shëndetësore dhe janë mbledhur nga anijet lundruese, mjete lundruese të portit dhe rojet bregdetare italiane.
https://www.youtube.com/watch?v=NU-eLaSpJ3Q&feature=emb_title
Discussion about this post