Mbrëmjen e kaluar tregu i veshjeve dhe sendeve të përdorura në Pogradec u përfshi nga zjarri. Sipas informacioneve paraprake mësohet se nga zjarri i cili nisi në orën 21:00, përfshiu disa tezga dhe rroba të përdorura, të cilat u dogjën të gjitha nga flakët e mëdha.
Dyshohet se zjarri mund të jetë shkaktuar nga ndonjë shkëndijë elektrike. Ndërhyrja e punonjësve zgjati afërsisht 1 orë pasi terreni ku kishte rënë zjarri ishte i vështirë dhe duhej ndërhyrje e shpejtë që të mos futej brenda tregut. Policia ende nuk ka dalë me një njoftim zyrtar për ngjarjen.
Discussion about this post