Modelja Oriola Marashi dhe futbollisti Eros Grezda i kanë dhënë fund lidhjes së tyre.
Dyshimet për një krisje të mundshme të marrëdhënies të tyre lindën, pasi ata nuk e ndjekin më njëri-tjetrin në rrjetet sociale. Miqtë e tyre tregojnë se ata janë ndarë, duke prishur planin që kishin bërë për martesë.
Herë pas here ata i bënin njëri-tjetrit dedikime e dukeshin shumë të lumtur, por ja që ditët e bukura së bashku kanë marrë fund dhe Oriola dhe Erosi i kanë dhënë fund lidhjes së tyre, që në vitin e shkuar ishte kurorëzuar në fejesë.
Largësia mes tyre dhe keqkuptimet prej kësaj mësohet të kenë qenë arsyet që krisën marrëdhënien e tyre. Oriola aktualisht është e vendosur në Itali, ndërsa Erosi në Kroaci, ku angazhohet me klubin e Osijek.
