Edin Begziq, i cili që nga mëngjesi i ditës së sotme kërcënonte se do të shpërthente me eksploziv para zyrës në një rrugën në Tival, në Mal të Zi, është dorëzuar.
“Pas negociatave të gjata, EB iu dorëzua punonjësve të policisë së Tivarit. EB bllokoi hyrjen e një dege banke në Tivar në orët e hershme të mëngjesit, duke kërcënuar se do të aktivizonte një mjet shpërthyes. Aktivitete të mëtejshme janë duke u zhvilluar”, tha Drejtoria e Policisë.
Pas bisedimeve me zëvendëskryeministrin Dritan Abazovic, Begziq është dorëzuar i qetë në polici.
“Gjëja më e rëndësishme është që gjithçka përfundoi paqësisht. Këto janë gjëra që ndodhin në jetë,” tha Abazovic.
Një pjesë e rrugës “Marshal Tito” në Tivar është evakuuar që nga mëngjesi i sotëm. Begziq paraprakisht e ka mbuluar degën e bankës me mbishkrimin “Kthejini paratë që u vodhët punëtorëve të Primorkës”. Nga Qendra Operacionale e Komunikimit të Drejtorisë së Policisë kanë konfirmuar se mëngjesin e sotëm janë njoftuar se një person kërcënonte se do të aktivizonte një mjet shpërthyes.
Policia prej orësh ka negociuar me Begziqin, me të cilin ka biseduar edhe zëvendëskryeministri dhe koordinatori i shërbimeve të sigurisë, Dritan Abazoviq.
Discussion about this post