“Merr vesh nga futbolli apo di aq sa gjyshja ime?”, ja si përgjigjet Beniada Nishani

Që pas daljes nga shtëpia e “Big Brother VIP” Beniada Nishani është bërë pjesë e një emisioni sportiv.

Kur ishte pjesë e formatit, asaj iu realizua një ëndërr që kishte të bënte me të qenit prezantuese në një emision. Asaj iu propozua “Procesi Sportiv” dhe sigurisht që modelja e pranoi këtë ofertë.

Mirëpo tha se nuk merr vesh nga futbolli por shtoi se do mësojë rrugës, bashkë me gjuhën shqipe.

E pavarësisht kësaj, në rrjetet sociale nuk mungojnë kritikat apo ironitë. Kështu, që fundmi në disa foto që Beniada ka publikuar në rrjetin e saj social Instagram nga emisioni, dikush i shkruan: “A merr vesh gjë nga futbolli apo di aq sa gjyshja ime”

Ky koment i ka rënë në sy edhe Beniadës e cila i është përgjigjur me një emoji duke qeshur me lot. Duket se ajo vazhdon t’i marrë gjërat me humor dhe sportivitet.

Ndërkohë, po ashtu Beniada është pjesë e “E diell” ku ka një rubrikë që e prezanton me Argjira Spancën.