Komisioni Shtetëror i Zgjedhjeve ka miratuar projektvendimin për të hapur 520 kuti të zgjedhjeve të 25 prillit.
Kreu i KQZ, Ilirjan Celibashi tha se javën tjetër nis rinumërimi i 10% të fletëve të votimit, ndërsa shtoi se për ZAZ-në me numër 40 d të bëhet numërimi i plotë i fletëve të votimit me kërkesë të Qëndresës Qytetare.
“Javën tjetër do të bëhet rinumërimi dhe verifikimi për 10% të kutive për çdo ZAZ përjashtuar ZAZ nr 40 për të cilën do të bëhet rinumërim i plotë pasi ka kërkesë nga Qëndresa Qytetare,” tha Celibashi.
Mbledhja nisi në orën 12:30 dhe brenda 20 minuta, projektvendimi u miratua për kqyrjen e fletëve të votimit.
