Komiteti i Konkurrencës në Spanjë vendosi të anulojë të kartonin e kuq që Vinicius mori ndaj Valencias. Ky ka qenë vendimi i rënë dakord pas një takimi të gjatë që ka çuar në një vendimmarrje të paprecedentë.
Në shpjegimin e rezolutës thuhet si më poshtë: “Ky Komision e konsideron të akredituar që vlerësimi i arbitrit u përcaktua nga mungesa e qartësisë dhe pasqyrimit të plotë të ngjarjes, e cila kushtëzoi vendimin e arbitrit.
Në fakt, mungesa e një pjese të fakteve e shtyu atë të merrte një vendim arbitrar, dhe kjo për shkak se ishte e pamundur për të që të vlerësonte në mënyrë adekuate atë që ndodhi, pasi në procedurën e nevojshme për marrjen e një vendimi të tillë u anashkalua një hap thelbësor në mënyrë që vetë të mund të ishte legjitime dhe të miratuar ligjërisht”.
Sipas asaj që gjyqtari De Burgos Bengoetxea vuri re në minutat e ndeshjes të dielën e kaluar, Vinicius u përjashtua nga ndeshja për “goditje me krah të një kundërshtari në fytyrë kur topi nuk ishte në lojë, në një përleshje masive të lojtarëve të të dyja skuadrave.”
Gjatë pamjeve VAR, nuk u tregua momenti kur Vinicius, u shtrëngua në fyt, nga kundërshtari i tij, Hugo Duro, gjë që mund t’i rrezikonte dhe jetën. Arbitri i VAR, Villanueva, për këtë gabim, u pushua menjëherë nga puna.
Discussion about this post