Diana Bahçja, nëna jehonë që është “ndarë” edhe nga fëmija e saj, duke u burgosur pasi nuk ka shlyer gjobë, ka dalë përpara gjyqit. Ajo është shprehur se u ka bërë të ditur policisë se ka fëmijën me gji, mirëpo kjo nuk i ka ndaluar ata që ta burgosin, duke e larguar nga i vogli.
Avokatët kërkojnë lirimin e saj, pasi dëmton shëndetin e fëmijës, por edhe të vetë asaj. Të pranishëm në seancë janë edhe bashkëshorti i saj, si edhe përfaqësues të Komitetit të Helsinkit dhe të organizatave të tjera. Gjykata vendosi pezullimin e ekzekutimit të dënimit me burg për të.
Rasti i Diana Bahçjas ka marrë vëmendjen e publikut për shkak të paradoksit nga drejtësia shqiptare. Diana Bahçja ishte dënuar nga gjykata me gjobë, pasi pas ndarjes nga burri i parë, martesë nga e cila kishte një vajzë, nuk i ishte përgjigjur detyrimit që kishte për fëmijën. Ky pretendim mohohet nga Diana që deklaron se ish-burri e dhunonte. Por çudia ka ndodhur me vendimin e gjykatës. 3 vite pasi Diana Bahçja mori gjobën, Gjykata e Shkallës së Parë Tiranë, vendosi ta konvertonte dënimin nga gjobë në 50 ditë burg, pa marrë parasysh faktin se ajo është nënë e një fëmije të porsalindur.
Pa asnjë dijeni ajo u arrestua dhe ndodhej në burg, edhe pse ligji bën një tjetër parashtrim për rastin e saj. Diana Bahçja përfiton nga ligji dhe Kodi Penal, që parashikon qartë se në rastin kur nëna është shtatzënë ose ka fëmijën nën 1 vjeç, atëherë ekzekutimi i vendimit për dënim edhe në rast se është i drejtë, do të duhet të shtyhet derisa bebi të mbushë 1 vjeç.
Kjo në rastin e saj nuk ka ndodhur. Nëna ndodhej në burg e ndërsa për fëmijën që ka nevojë urgjente dhe të pajustifikuar për nënë, u kujdes shoqi, Naim Bahçja bashkë me mbesën e tij 11-vjeçare.
Discussion about this post