Kodi i etikës është i shenjtë në çdo vend, lërë pastaj në një punë si ajo e policisë. Tre kolegët, anëtarë të së njëjtës familje, të cilët u konfliktuan me njëri-tjetrin, janë pezulluar nga detyra e tyre si funksionarë policie me efekt të menjëhershëm. Lajmin e ka bërë të ditur, DVP Tiranë nëpërmjet një njoftimi për mediat.
Njoftimi i Policisë:
Tiranë Drejtori i Drejtorisë Vendore të Policisë Tiranë, Drejtues i Parë Tonin Vocaj, ka pezulluar nga detyra punonjësit e Policisë:
– Inspektor Hamit Sallaku , me detyrë ndihmësspecialist për Policimin në Komunitet në Komisariatin Nr. 1;
– Inspektor Mariglen Sallaku me detyrë ndihmësspecialist për Hetimin e Krimeve në Komisariatin Nr. 2;
Denis Sallaku, me detyrë ndihmësspecialist për Policimin në Komunitet në Komisariatin Nr. 3.
Gjithashtu, Drejtoria e Standardeve Profesionale në Policinë e Shtetit, ka nisur hetimin disiplinor, si dhe është njoftuar dhe AMP pasi:
Më datë 25.03.2023, rreth orës 23:55, në Rrugën Bardhyl, shërbimet e Forcës së Posaçme Shqiponja, kanë konstatuar tre shtetasit e mësipërm në gjendje të dehur, duke debatuar me njëri-tjetrin si dhe gjatë shoqërimit kanë kundërshtuar punonjësit e Policisë.
Të tre policet e pezulluar i përkasin një familjeje, babai dhe dy djemtë e tij.
Discussion about this post