Rama ka bërë sot një tjetër ndryshim në kabinetin qeveritar. Bëhet me dije se, zëvendësministrja e Mjedisit dhe Turizmit, Ornela Çuçi është shkarkuar nga detyra. Vendimi është marrë nga Këshilli Ministrave ditën e sotme.
“Në mbështetje të nenit 100 të Kushtetutës dhe të pikës 2, të nenit 6, të ligjit nr. 9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave VENDOSI: Znj. Ornela Çuçi, zëvendësministër i Turizmit dhe Mjedisit, lirohet nga kjo detyrë. Ky vendim hyn në fuqi menjëherë”, thuhet në vendim.
Çuçi e mbante këtë post që prej vitit 2017, ndërsa nuk dihet ende se kush do ta zërë vendin e saj. Kujtojmë se pak javë më parë Rama shkarkoi Arben Ahmetajn si zv/kryeministër dhe në vend të tij vendosi Belinda Ballukun.
Discussion about this post