Policia e Elbasanit ka arrestuar tre persona, ndërsa ka shpallur në kërkim tre të tjerë, pasi akuzohen se gërryenin në mënyrë të paligjshme shtratin e lumit Shkumbin.
Kështu, kanë rënë në prangat e policisë shtetasit Adriatik Balliu, 36 vjeç, Xhelal Mosha, 56 vjeç, dhe Ardian Hazizi, 48 vjeç, të tre banues në Kavajë, si dhe u shpallën në kërkim shtetasit S.B., 48 vjeç dhe D.C., 54 vjeç, banues po në Kavajë.
Këta persona u gjetën duke marrë inerte në mënyrë të paligjshme në lumin Shkumbin me tre mjete të tonazhit të rëndë të cilët u sekuestruan në cilësinë e provës materiale.
