17 persona kanë paraqitur kandidaturën e tyre për dy vakancat te Këshilli Mbikëqyrës i BSH, por vetëm 2 emra janë përzgjedhur ditën e sotme për ketë garë. Sipas të dhënave, Komisioni i Ekonomisë i ka propozuar Kuvendit për miratim emrin e is -deputetit të PS Anastas Angjeli dhe zëvendësguvernatoren Natasha Ahmetaj.
Këto dy kandidatura të miratua nga komisioni do i paraqiten kuvendit të Shqipërisë për votimin final, dhe nëse miratohen mandati i tyre është 7 vite në këto pozicione. Shpallja e 2 vakancave në Këshillin Mbikëqyrës të Bankës së Shqipërisë është bërë që vitin e kaluar pasi iu përfundoi mandati 7 vjeçar anëtarëve Natasha Ahmetaj dhe Tonin Kola, të zgjedhur në këtë detyrë në dhjetor të vitit 2014.
Ish deputeti i PS-së Anastas Angjeli pasi nuk kandidoi për deputet në zgjedhjet e 25 prillit, është vetë-ofruar për këtë pozicion ku mori mbështetjen edhe të opozitës gjatë prezantimit të objektivave në komision. Kandidatja tjetër Natasha Ahmetaj, aktualisht anëtare e këtij këshilli, u vlerësua nga anëtarët e komisionit për shkak të eksperiencës së saj. Në total janë 17 kandidatë për të 2 vende në këshillin mbikëqyrës, mes të cilëve është edhe ish-deputetja e PS Senida Mesi.
Kandidatët për 2 vendet vakante në Këshillin Mbikqyrës të Bankës së Shqipërisë ishin Bledi Sema, Mateo Spaho, Emis Çerava, Senida Mesi, Rezarta Bitri, Artur Mamadhaj, Blendi Sema, Onorina Jata, Diana Dervishi, Marta Muço, Indrit Banka, Elvin Meka, Mateo Spaho, Durim Kraja, Diana Dervishi, Altin Hoti dhe Manuela Tandini.
Discussion about this post