“Nuk pajtohem akoma me idenë që nuk është!”, këto kanë qenë fjalët e këngëtares së njohur Eli Fara në rrëfimi e saj të rrallë mbi humbjen e nënës së saj.
Në nëntor të vitit 2020 nëna e këngëtares u infektua me virusin Covid-19. Gjatë tre muajve, Eli vendosi ta kuronte në shtëpi dhe më pas mundi që jeta e saj të zgjatej edhe disa muaj të tjerë.
Teksa ishte pasditen e sotme e ftuar në emisionin “Rudina”, Eli e përlotur ka treguar për netët pa gjumë, ndërsa kujton edhe ndjesinë pas ceremonisë mortore.
“Nuk pajtohem akoma me idenë që nuk është. Ditën që ndërroi jetë, e përkëdhelja tërë kohës, më dukej sikur e kisha prapë aty para meje në shtëpi siç kisha bërë netë pafund. Pastaj kur bëmë varrimin dhe u ktheva në shtëpi, u hodha mbi krevatin e saj ku kemi gdhirë shumë net bashkë. Nuk di.”
Këngëtarja e njohur mes të tjerash është shprehur se edhe vajza e saj Marina u kujdes në mënyrë të jashtëzakonshme për të. Teksa po ashtu së fundmi i është rikthyer muzikës pas 2 vitesh mungesë me një këngë të re.
Discussion about this post