Ministri i Jashtëm rus, Sergei Lavrov ka deklaruar se qëllimi i Rusisë nuk është rrëzimi i Presidentit ukrainas, Volodymyr Zelensky. Ai tha Moska kërkon që Ukraina të ndalojë armiqësitë dhe të lërë civilët të shkojnë.
“Ne nuk duam të rrëzojmë Zelensky. Ne nuk synojmë ndryshimin e regjimit në Kiev, ky është një specialitet amerikan. Ne as nuk kërkojmë që ai të dorëzohet. Ajo që ne kërkojmë është që ai të ndalojë armiqësitë dhe të lërë civilët të shkojnë. Ukraina nuk ka më kërcënime për Rusinë”, tha ai.
Lavrov gjithashtu tha gjatë mbrëmjes së sotme në Televizionin iltalian “Rete 4” se antisemitët më të mëdhenj janë hebrenjtë dhe sipas tij dhe vetë Hitleri ishte hebre duke lënë të kuptohej në këtë formë se po i referohej Presidentit ukrainas Zelensky.
“Zelensky? Antisemitët më të mëdhenj janë hebrenjtë, madje Hitleri kishte origjinë hebreje. Nazifikimi ekziston në Ukrainë.”, tha Lavrov.
Ministri i Jashtëm rus Sergei Lavrov ka thënë se krimet në qytetin Bucha janë të rreme dhe se kur ushtria ruse u largua nga qyteti, kishte një jetë normale.
“E vërteta është vetëm një, më 30 mars, ushtria u largua nga Bucha, Kryebashkiaku shpalli fitoren dhe qyteti ishte kthyer në një jetë normale. Pastaj pas tre ditësh filluan t’i tregojnë këta të vdekur, evidente se është false”, tha Lavrov gjatë një interviste për televizionin Rete 4.
Komandanti i Mariupolit: Nuk do të dorëzohemi, në fabrikë ka ende të plagosur në gjendje të rëndë, ka mungesë ushqimi dhe ujiPavarësisht lajmeve se 100 civilë u larguan nga fabrika e çelikut Azovstal në Mariupolin e shkatërruar nga lufta drejt territorit të kontrolluar nga ukrainasit, një nga komandantët atje tha kanë mbetur shumë të plagosur.
“Ka ende të plagosur edhe në uzinë. Ata nuk janë evakuuar ende, por shpresojmë se do të largohen nga këtu. Gjendja e tyre është e rëndë, kanë nevojë për trajtim të duhur mjekësor, ushqim të duhur për t’u rikuperuar,” tha Komandanti Svyatoslav Palamar njëkohësisht dhe Zëvendës Komandant i Regjimentit Azov për BBC-në.
Ai shtoi gjithashtu se përveç shpresës që civilët e mbetur të evakuohen trupat ukrainase janë të gatshëm të luftojnë dhe nuk synojnë të dorëzohen.
Ai tha se shpresonte që zyrtarët ukrainas dhe udhëheqësit e vendeve të tjera do të bënin gjithçka të mundshme për të evakuuar garnizonin nga Mariupol.
Discussion about this post