Leo Messi reagoi pasi miku i tij, Sergio Aguero i dha lamtumirën futbollit për shkak të një problemi në zemër.
Në një postim në Instagram Messi ka ndarë një mesazh emocionues ku ka kujtuar momentet më të bukura me Agueron, teksa i uron lumturi në vazhdim. Në fund Messi shprehet se do i mungojë Aguero kur të luajë me kombëtaren e Argjentinës në vazhdim.
“Praktikisht një karrierë e tërë bashkë, Kun… Kemi jetuar momente shumë të bukura dhe të tjera jo aq të bukura, të gjitha na bënë të bashkohemi gjithnjë e më shumë dhe të jemi më shumë miq. Dhe ne do të vazhdojmë t’i jetojmë së bashku jashtë fushës.
Me gëzimin e madh të ngritjes së Kupës së Amerikës kaq pak më parë, me të gjitha arritjet që ke bërë në Angli… Dhe e vërteta është se tani dhemb shumë të shohësh se si duhet të ndalosh së bëri atë që të pëlqen më shumë për shkak të asaj që ndodhi me ty. Me siguri do të vazhdosh të jesh i lumtur sepse jeni një person që transmeton lumturi dhe ne që të duam do të jemi me ty. Tani po fillon një fazë e re e jetës tënde dhe jam i bindur se do ta jetosh me një buzëqeshje dhe me gjithë iluzionin që vendos në gjithçka.
Gjithë të mirat në këtë fazë të re!!! Të dua shumë mik, do të më mungojë shumë të jem me ty në fushë dhe kur të bashkohemi me Kombëtaren!!!”, shkruan Messi.
Discussion about this post