Pas takimit që zhvilloi në selinë blu me liderin e PD, Lulzim BASHA, zëvendës Ndihmës Sekretari i Shtetit i SHBA për Çështjet Europiane dhe Euroaziatike, Gabriel Escobar tha se kërkon përkushtim të fortë nga institucionet shqiptare kundër korrupsionit.
Para mediave, Escobar shprehu kënaqësinë për vizitën e tij të parë në Tiranë si dhe për takimin me opozitën, ndërsa shtoi se pret që takojë Bashën në Washington së shpejti.
“Jam shumë i lumtur që ndodhem në Tiranë, është vizita ime e parë në Shqipëri dhe më kanë rezervuar një mikpritje shumë të ngrohtë. Isha gjithashtu i lumtur që kisha mundësi të takohesha me opozitën dhe ata kanë shprehur angazhimin e tyre ndaj NATO-s, integrimit europian dhe luftës ndaj korrupsionit. Jemi gjithashtu të kënaqur që jemi pjesë e kësaj, përfshirë dhe përpjekjet tona të forta kundër korrupsionit, përfshirë sanksionet. Por për ta kthyer këtë në realitet do të nënkuptoj dhe kërkoj një përkushtim të fortë nga institucionet shqiptare. Pres me kënaqësi të zhvilloj takime të tjera pasdite dhe gjithashtu pres me kënaqësi vijimin e marrëdhënieve me PD, gjithashtu pres me kënaqësi që të takoj zotin Basha në Washington së shpejti”, tha Escobar.
Escobar shoqërohej nga ambasadorja e SHBA-së, Yuri Kim, ndërsa në selinë e PD u prit nga sekretari i Përgjithshëm i PD-së, Gazmend Bardhi.
Discussion about this post