Mesazhi i Luiz Ejllit për vajzën e Jozefina Topallit

Luiz Ejlli dhe Megi Topalli bashkëjetuan 10 vite, ndërsa sot këngëtari ka një mesazh për të.

Në një video live, Fituesi i Big Brother VIP 2 është pyetur se çfarë mendon për dasmë e ish-partneres. Kjo e fundit u kurorëzua disa javë pasi ai dhe Kiara Tito celebruan lidhjen në finalen e spektaklit.

“Çfarë mendon për ata që të panë ty që u martove dhe u martuan edhe ata?”, e pyetën fansat.

“Vetëm ju shkoftë mbarë o Zot! Paçin njëri-tjetrin. Me e dit që martohen njerëz të tjerë, prapë e bëj edhe një dasmë tjetër, veç të martohen të gjithë”, iu përgjigj Luiz Ejlli.

Dasma e Megi Topallit

Kujtojmë se në përfundim të Big Brother VIP Albania 2, Luizi dhe Kiara i thënë ‘Po’ me njëri-tjetrit para kamerave dhe dasma u përfol gjatë në media.

Ishte vetë vajza e Jozefina Topallit që ndau lajmin emocionues me ndjekësit në rrjetet sociale ku shprehej se kjo ishte një ditë e shenjtë për të.

Ajo shkruan se “së bashku me Angjin dhe dy fëmijët tanë të shtrenjtë, festojmë dashurinë dhe perkushtimin që na bashkon si familje”.

“Sot, kemi një ditë të mrekullueshme, një ditë plot me dashuri, lumturi dhe emocione të pafundme.

Në këtë ditë të shenjtë për ne, së bashku me Angjin dhe dy fëmijët tanë të shtrenjtë, festojmë dashurinë dhe perkushtimin që na bashkon si familje. Familja është një dhuratë e madhe, ajo është thelbi i gjithçkaje, është burimi i lumturisë dhe një forcë e jashtëzakonshme në jetën tonë.

Ne jemi të lumtur që mund t’i ndajmë disa foto nga ky moment i veçantë me ju të gjithë.

Falënderojmë familjet tona, miqtë dhe të gjithë ata që kanë ndarë këtë ditë të veçantë me ne. Ju jeni pjesë e kujtimeve tona të bukura dhe ndihemi mirënjohës për përkrahjen dhe dashurinë që na jepni”, shkroi Megi Topalli, krahas imazheve.

Në një intervistë pas përfundimit të BBV, Luizi ka treguar se ndarja e tyre ka qenë paqësore dhe shprehur bindjen se “asaj iu është bërë qejfi jashtëzakonisht shumë” që ka fituar BBV, por theksoi se nuk i ka dërguar një mesazh urimi.

Ndërkohë gjatë spektalit, mes lotësh, ai rrëfeu se ka tentuar t’i japë fund jetës pasi u nda nga vajza e Jozefina Topallit pas 10 vitesh që bashku dhe ngeli pa punë.

Luiz Ejlli tregoi se hoqi dorë nga muzika pasi “mendova që rruga që po marr me këtë person ka më shumë rëndësi sesa kjo që po lë, u dorëzova para saj, nuk arriti kurrë të më kuptonte dëshirat e vërteta që kisha”.

Por theksoi se gjithçka mori fund pasi u kthyen nga Franca dhe po jetonin së bashku në Tiranë.