Më 11 maj të pranverës që po vjen në vendin tonë do të mbahen zgjedhjet parlamentare 2025. Ndryshe nga vitet e tjera, këtë herë edhe emigrantët, shqiptarët e Diasporës, do kenë të drejtë vote dhe për momentin vëmendja kryesore e qeverisë është te ky grup.
Punonjësit e administratës po vihen nën presion për të siguruar sa më shumë emra, që përkthehen automatikisht në votues.
Në Divjakë, Fatjon Lena, sekretari ekzekutiv i Partisë Socialiste ose siç e quan ai “Partia më e madhe në vënd” po kërkon me ngulm listat me emrat e shqiptarëve në Diasporë.
Një punonjëse e bashkisë Divjakë ka treguar për JOQ se Fatjon Lena iu ka kërkuar formularë personal me emrat e të afërmve që punonjësit kanë në Diasporë dhe për këtë ka vendosur edhe ditë fikse për dorëzimin.
Ndërkohë që vlen të thuhet se ky nuk është rasti i parë që punonjësit e administratës vihen nën presion për të siguruar emra votuesish si brenda vendit apo si tani jashtë.
Discussion about this post